Author Archives: Kim Henrik

Dag 51 og 52

3
Posted by Kim Henrik on 22/04/2010 – 03:29
Filed under USA

Enden på turen nærmar seg med stormskritt. Forhåpentlegvis kjem me oss heim som planlagt.

Dei to siste dagane i New York har me nytta til hovudsakleg meir sightseeing. Me har gått over Brooklyn Bridge, vore innom Chinatown, Little Italy, Soho, Harlem og gått Central Park på langs. Me har i tillegg vore å sett Grand Central Terminal og United Nations-bygningen. Nok ein gong har me også vore på kino her i New York. Denne gongen  såg me Clash of The Titans i 3D.

Veret her i New York kan me heller ikkje klage på. Starten på veka var det kaldt med ca 10 varmegrader, mens dei siste dagane har temperaturen låge på ca. 20 grader og sol. Det ska bli kaldt å komma heim igjen, sjølv om at eg høyrer det er vår heima og, (våren er i alle fall på veg).

Så oppsummert kan eg seie at New York er ein stor by med mange forskjellige menneske. Ta for eksempel nabolaget me bur i. Eg trur me er dei einaste kvite, det verkar i alle fall slik. Men folk er hyggelege stort sett og det er ikkje vanskeleg å komme i kontakt med folk her.

Så i morgon reiser me heimover, og som Jan sa: ”Prøv å ikkje trø så hardt når ein går, så Katla-vulkanen går av…”

Bilete finn de her!

Dag 46 og 47

4
Posted by Kim Henrik on 17/04/2010 – 04:52
Filed under USA

Avreise frå Colorado Springs etter ei fantastisk opphald hos familien Dooyema, som tok godt imot oss og har gjort mykje for at me fekk eit fint opphald hos dei. Me flaug frå Colorado til Minneapolis der me hadde ein mellomlanding før me reiste vidare til LaGuardia flyplass i New York. Etter litt jobbing fekk me ordna transport frå flyplassen til hotellet me hadde bestilt like ved flyplassen. Det enda med at hotellet betalte taxi til oss sidan deira shuttle-buss ikkje gjekk, så no har me køyrt med dei legendariske yellow-cabs som New York er kjent for.

Fredag (dag 47) reiste me vidare til det hotellet me skal bu på under opphaldet i NYC. Det ligg i Long Island City/Queens , berre 2 subway-stopp frå Manhattan så me bur ganske sentralt tross alt. Derfor har me kjøpt oss eit 7 dagars metrokort så me kan reise så mykje me vil fram og tilbake, noko som er fint sidan metroen er det beste framkomstmiddelet her i byen.

Me har i dag blant anna vore å sett Times Square, vandra rundt på Broadway, besøkt Macy’s som sikkert mange veit er verdas største butikk og Madison Square Garden. Det er mykje forskjellig å sjå i denne byen så trur ikkje me får problem med å finne på ting dei neste dagane… Samtidig så føl me med på kva som skjer i Europa med flykanselleringar osv, men får håpa vulkanen på Island roar seg ned til neste veke når me skal fly heim igjen.

Bilete frå desse dagane finn de her!

Dag 39 og 40

1
Posted by Kim Henrik on 10/04/2010 – 08:55
Filed under USA

Siste dag i San Francisco starta med ein tur over Golden Gate Bridge, som er ein av dei mest kjente attraksjonane i byen. Vidare reiste me inn i byen igjen der me hadde billettar med Alcatraz Cruises som tok oss til øya Alcatraz også kjent som ”The Rock”. Dette er det verdskjente nedlagte fengselet som eksisterte her fram til 1963.

Fengselet var i sin tid eit maksimum sikkerheitsfengsel som hald mange kjente kjeltringar som for eksempel: Al Capone, Robert Franklin Stroud (The Birdman of Alcatraz) og George “Machine Gun” Kelly, osb. Øya er i dag ein nasjonalpark.

På øya fekk me ein audioomvisning gjennom headset som vart var utdelt der tidlegare ansette og fangar var forteljarar. Me vart fortalt historiar og detaljar om fengselet som var interessant å høyre om. Kanskje det som mest interessant var å høyre om alle forsøka på å flykte.

Me hadde bestilt motellrom i ein by som heiter Monterey litt sør for Santa Cruz. Så me forsette på roadtrip’en vår og forlét San Francisco med berre gode minner og tankar. San Francisco og USA-Hostels kan absolutt anbefalast. På vegen sør over hadde me fått anbefalingar om å sjekke ut Big Basin Redwood State Park. Me plotta inn dette målet på GPS’en og la avgarde.

På vegen var me nett innom Highway 1 (meir om denne vegen seinare). Me enda opp på nokre småvegar gjennom denne parken og vart litt bekymra då vegen vart smalare og smalare og svingane vart skarpare og skarpare, men heldigvis fant me fram til hovudkvarteret til parken. Her stoppa me opp og fekk sjå store Redwood-tre som området her er kjent for. Me fant og vegen ut av parken og fant motellet me budde skulle bu på.

Dagen i dag reiste me på akvariet som ligg i Monterey før me forsette på Highway 1 som er ein kjent kystveg som går langs kysten av California. Denne vegen går langs bratte stup ned i sjøen på einesida og høge grøne åsar på den andre sida. Me tok oss god tid og stoppa opp mange plassar for å ta bilde og kom over blant anna ein elefantselkoloni og me var og innom Mazda Laguna Seca Raceway. No er me nok ein gong innlosjert på eit motell i byen San Luis Obispo.

Bilete finn de her!

Dag 34 og 35

4
Posted by Kim Henrik on 05/04/2010 – 07:29
Filed under USA

Dag 34 sette me kursen vidare mot Death Valley som ligg i California. Me budde som sagt i Arizona, nærare bestemt Page, og la ruta vidare slik at me kom innom staten Utah. Me kom fram til Death Valley nasjonalpark ein gong på ettermiddagen og reiste opp til eit utkikspunkt som heiter Dante’s View (ca. 1600 meter over havet). Utsikten her var fantastisk, men litt skodde sette ein stoppar for å sjå dei heilt store fjelltoppane. Heldigvis kunne me sjå mykje av saltsjøen langt nede i dalen.

Me køyrte ned frå fjella og ned i dalen som faktisk ligg under havnivået (ca.88m.). Her fekk me med oss solnedgangen mens me var ute og gjekk på saltsjøen, ei fin oppleving. Death Valley er kjent for å vere den plassen som har varmerekorden her i USA og heitt var det, ca. 27 grader med masse vind. Me køyrte vidare inn i dei seine nattetimar og fant eit motell i Bakersfield, California som me overnatta på.

I dag sov me lenge etter ein lang dag på vegen i går. Planen for dagen i dag var Yosemite nasjonalpark. Tredje nasjonalpark på tre dagar! Køyreturen var ikkje så lang i dag som i går og det var utruleg å sjå korleis naturen forandra seg frå store opne dalar og sletter til meir kuperte dalsider med grøne grasmarker, og ikkje minst mange mil med vintre.

Fjella og dalane vart meir og meir som heime med store fjellsider og bekkar og fossefall. Me køyrte rundt i parken og vegen tok oss opp i snødekt landskap og mens me var på veg oppover starta det å snø. Me var litt skeptiske til korleis dette skulle gå med stor bil og med sommardekk?! Heldigvis gjekk det fint, men me kom over ei ulukke der ein bil stod utanfor ei stor skrent med berre eit lite tre som stoppa bilen for å velte utover fjellsida. Skulle ikkje tru ein var i California er inntrykket som me sit igjen med.

Me har stoppa på nok eit lite motell i ein liten sjarmerande by ved namn Jamestown som har gamle hus og sikkert litt av ei historie. Me fekk i alle fall eit lite inntrykk nær me tok middag på eit lokalt steakhouse/bar som var frå 1800 talet.

Bilete frå desse to dagane finn de her! Kim Out…….

Dag 29, 30, 31 og 32

2
Posted by Kim Henrik on 02/04/2010 – 08:04
Filed under USA

Lenge sidan oppdatering sidan internett var ganske dyrt i Las Vegas.

Den 29. reiste me frå Los Angeles med retning Las Vegas og forventningane og entusiasmen var høg. Etter nokre dagar på hostell i LA var me no klar for å bu på MGM Grand på ”The Strip”. Sjølve køyreturen var også eit høgdepunkt og me tok ein omveg og køyrte noko av strekninga på The Historic Route 66. Route 66 er ei kjent strekning som i sin tid gjekk frå Chicago til Los Angeles (heile strekninga eksisterar ikkje lengre, berre delar av ho er bevart). Las Vegas er lokalisert i ørkenen i Nevada, noko som er ein merkeleg lokalisering på ein by med over 600.000 innbyggjarar. I tillegg kjem mange millionar turistar hit kvart år til ”The Sin City”.

For å halde det kort er det utruleg mykje ein kan finne på i denne byen, og ein kan bruke mange dagar på å gå langs The Strip og sjå på dei mange megahotella og alle Casinoane. Me har blant anna besøkt New York New York, som er eit hotell og casino som er som namnet seier inspirert av byen New York. På Luxor hotell (ein stor pyramide) var me på ein utstilling kalla ”Bodies” der ein ser på folk som har via kroppen sin til forsking og ein får sjå i detalj alt kroppen inneheld og korleis me er oppbygd. På Mandalay Bay var det eit stort akvarium med heiar. På Bellagio var me for å sjå dei fantastiske vassfonteneshowa med musikk som er framfor hotellet.

Ein annan ting som må nemnast er The Fremont Street Experience som ein finn Downtown Las Vegas. Me var her ein kveld for å sjå på denne kjempeskjermen som er laga til i ei gate som går mellom hotella som ligg i Downtown. Fantastisk oppleving der dei har show og musikk kvar time om kvelden.

Me har også vore på CSI: The Experience der du sjølv skal løysa ein mordgåte ved å finne spor og diverse basert på TV-serien CSI: Las Vegas. Kan også nemne at hotellet der me budde hadde eit løvebur i casinoet.

Mange lurar nok på om me har gambla mykje mens me har vore her i byen, me har satsa litt, men ikkje dei store summane. Det er utruleg mange som spelar vekk store summar og minimumsinnsatsen på mange av spela er høge, vist ein ser bort frå alle slotsmaskinane som står overalt. Så me nytta heller mykje tida på å observere dei andre som spelte.

Me har vandra mykje langs The Strip både om dagen og om kveldane. Det blinkar lys over alt og store skjermar viser reklame og ein har ikkje mangel på plassar å ete/drikke. Alle hotella har eigne handlegater og restaurantar i alle sjangrar. Prisnivået er ganske høgt og dei fleste av plassane har norske prisar på mat og drikke. Stor forskjell frå prisane som eg og Jan er vant me frå tidlegare på turen.

I dag den 1. april reiste me frå Las Vegas og sette kursen mot Grand Canyon som er neste stopp på turen. Me la ruta slik at me har i dag køyrt over Hoover-demingen som er eit kjent demning som ligg på grensa mellom Nevada og Arizona.

Me fortsette turen og køyrte på lange strake strekningar gjennom ørkenen i Arizona. Me har også i dag teke ei rute utanom motorvegen for å køyre eit stykke på Route 66.

Temperaturen er ikkje så høg og har svinga mellom ca. 15 grader og 5. Me har faktisk køyrt forbi snø i vegkanten, noko ein ikkje skulle tru i Arizona. Må sei at også dagane me hadde i Las Vegas og ikkje har vore særleg varme med ca. 15 grader. Kan hende me er godt vante med varme, men me frys ved slike låge temperaturar. :)

Me har no innlosjert oss på eit motell i ein liten by utanfor Grand Canyon og er klare til å sjå Grand Canyon i morgon. I mellomtida kan de sjå på bileta frå Las Vegas og Hoover-demingen her!

Dag 24, 25 og 26

2
Posted by Kim Henrik on 27/03/2010 – 07:48
Filed under USA

Ja då var det tid til ein ny oppdatering frå oss som no er i USA. Den 24. mars vart ein lang dag som nemnt i førre post. Flyet vårast skulle ta av frå Auckland flyplass klokka 23.00, men pga. feil på flyet måtte dei hente eit anna i hangaren sin og laste om alt som var i det andre flyet. Dette tok sjølvsagt lang tid så me vart ca. 2 timar forsinka, men sjølve reisa gjekk fint og me landa i god tid på LAX før Daniel, Erlend og Eirik som er våre nye reisekameratar dei neste 2 vekene.

Me reiste direkte til leigefirmaet me hadde bestilt leigebil gjennom og var ganske spente på kva slags bil me skulle få. Me hadde bestilt ein  bil med 7 seter og då me fekk sjå bilen va det ein litt mindre SUV så me vart anbefalt å oppgradere til ein fullsize SUV, så dette gjorde me sidan me skal køyre mykje rundt i dei kommande vekene . Så bilen me kjøyrer rundt i er ein kjempe Chevrolet Suburban 2010-modell og me er ganske fornøgd me bilen så langt. Etter å ha henta bilen reiste me til hotellet som me hadde bestilt like ved Los Angeles flyplass og tok ein tidleg kveld etter ein god middag på Denny’s diner, sidan alle var trøytte etter reisinga.

Noko det første me gjorde dag 25 var å bestille overnatting dei neste 2 dagane. Valet fall på eit hotell/motell litt utanfor byen i Mission Hills, San Fernando Valley. Hovudsaken til dette er at dei 2 første dagane planla me til ting utanfor byen og då passa det å bu her. Dagen vidare vart brukt på å shopping i Factory Outlet-butikkar, sidan reisefølgjet vårt hadde teke med seg minimalt med klede og hadde planlagt å handle mykje av det dei trengde her. Også denne kvelden var me ute på ein lokal restaurant for ete middag.

Dag 26 var dagen då me skulle til Six Flags-førnøyelsespark  på Magic Hill Mountain litt utanfor Los Angeles. Me kom til parken då den opna og reiste når den stengde og tida gjekk fort når ein har det moro. Parken er enorm med utruleg mange berg- og dalbaner og ting å prøve i alle moglege former og størrelsar. Me alle hadde ein fin dag me mange adrenalinpumpande opplevingar og alle prøvde så å sei alt som var verdt å prøve.

På slutten av dagen var dei fleste av oss ganske svimle etter alle g-kreftene som me har vorte utstette for. Følelsen dei fleste av oss har i skrivande stund er som om me fortsatt er i ein loop ein eller anna plass. :)

Planen vidare er at me har booka inn på eit hostell sentralt i byen for å bruke helga til å utforske byen og dei kjente strendene her i LA.

Me har ikkje teke så mange bilete i USA endå, men dette kjem til å betre dei neste dagane. ;) I mellomtida, kan de sjå dei bilete me har teke til no her!

Dag 19, 20, 21 og 22

7
Posted by Kim Henrik on 22/03/2010 – 09:39
Filed under Australia, New Zealand

Lenge sidan sist og mykje har skjedd. Me er no komne til Auckland, New Zealand, men me får vel starta frå byrjinga. Den 19. starta som dei andre dagane i Gold Coast med litt skyer og lett regn. Eg stod opp tidleg fordi eg skulle på surfekurs denne dagen. Vart litt bekymra når eg såg ned på stranda sidan bølgjene var ekstra store denne morgonen. Dette skuldast syklonen Uluhi som har rasert Fiji og no ligg utanfor Australia og kastar store bøljer inn mot kysten. Surfinga gjekk som planlagt og opplevinga var kjempe.

Surfinga starta med litt info om brett, straumar, sikkerheit  og teknikkar før det var ut å teste litt forsiktig. Etter ei stund på dei mindre bølgjene på grunna var det tid til å bevege seg ut på djupna og prøve å stå opp for første gong. Eg vart litt stolt når eg greidde å stå inn den første bølja eg prøvde å stå på og instruktøren virka imponert. :)

Eg må innrømma at det ikkje gjekk like fint alle gangane og eg hadde eit par komiske fall, men det er vel å forvente av ein amatørsurfar. Etter eit par timar var eg ganske sliten etter å ha kjempa med massive bøljer og sterke straumar så det var fint å kunne slappe av poolen på hotellet og nyte den siste sola i Surfers Paradise. Jan var ikkje med på seansen så har ikkje bilder frå dette dessverre. :(

Neste dag var avreise dag og me tok toget nord til Brisbane. Her var me ein dag før me tok flyet til Auckland. Dette flyet tok berre 3 timar, men me forflytta oss også 2 tidssoner så også mykje av denne dagen gjekk med til reising (me er no altså 12 timar framfor Noreg til opplysning). På flyplassen vart eg atter ein gong sjekka av narkohund og måtte vise tinga mine. Det viste seg at det var eit eple i bagasjen min den ville ha. Eg har ein lei tendens til å alltid bli stoppa i kontrollar på flyplassar. Kan nemna at eg ha måtte visa tingi mine nokon gangar og vorte sjekka for radioaktive stoff i tillegg til hundesjekkane. Eg ser sikkert skummel ut og må sjekkast og utspørjast. :)

Men over til dagen i dag den 22. mars. Eg har eit ønske om å komme til New Zealand og prøve Skydiving og det har eg gjort i dag. :D  Til opplysning så er New Zealand kjent for å ha mange adrenalinsøkjande folk . Ikkje det at eg er noko spesielt ein slik type, men dette måtte prøvast ut. Så eg vart henta her me bur og me køyrte ca. 40 min. nord for Auckland der dette selskapet held til som driv med Skydiving. Hadde i grunn ikkje så mykje nervar før me va kome opp i flyet og var på veg oppover til 12000 fots høgde. Etter ca. 20 min. flytur oppover var det tid til å gjere seg klar og feste meg til instruktøren som til opplysning var ganske grei.

Eg kasta meg i det og det var utruleg moro å suse  nedover mot jorda gjennom skyer og med ein utsikt som ikkje kan slåast. Når fallskjermen utløyste seg var det eit kjempe rykk og plutseleg var det som om me stod stille i lufta. Eg fekk faktisk lov å styre fallskjermen på veg nedover. Så alt i alt var dette ein nervepirande og utruleg moro oppleving som bør prøvast (Har ikkje så mange bilde av dette, men har ein dvd-film frå stuntet som de finn lenkje til nederst i posten.

Seinare denne dagen var me på Skytower her i Auckland som er eit høgt tårn på lik linje med det me var på i Sydney, men dette skal vist vere høgare. Fin utsikt over byen og fint for å få seg ein oversikt over kor ting er. Seinare i dag skal me på kino å sjå filmen Green Zone.

Bilete frå dei siste dagane, kan de sjå her, i tillegg ligg det ein video frå skydivinga her!

Dag 13 og 14

5
Posted by Kim Henrik on 14/03/2010 – 10:29
Filed under Australia

Dag 13 vart stort sett brukt på sightseeing som førre dag slutta. Me starta med dei to mest kjente landemerka her i byen, nemleg operahuset i Sydney og Sydney Harbour Bridge. Etter dette tok me ein ny turistbuss som er inkludert i billetten vår som køyrer ei anna rute enn den som køyrer inne i sentrum. Denne bussen tok oss litt utanfor byen og til blant anna Bondi Beach.

Me vart fortalt at det beste var å gå av ved ei strand som heiter Bronte Beach og gå kystvegen til Bondi Beach, så dette gjorde me. Bondi er kjent som den mest kjente stranda her i Sydney og det merka me på alle folka som hadde teke turen ut hit. Ein av grunnane var nok at det denne helga er Surfsho her på stranda me surfekonkurranse og konsertar for skodelystne. Etter å ha sjekka ut stranda ei stund reiste me vidare på bussen og såg resten av turen.

Været har vore litt skiftande her i Sydney med litt sol og skyer til regn. På kvelden den 13. regna det litt så me tok turen til eit handlesenter for å sjå oss litt rundt der. Me kom også over ein indisk festival som held på i helga på Darling Harbour.

Neste dag hadde me bestemt oss for å reise på Imax-kinoen som ligg her i Sydney. Sidan dei reklamerte med at dei har verdas største kinolerret måtte dette sjekkast ut. :) Me såg filmen Avatar i 3D. Me var også innom Paddy’s Markets som er ein kjempemarknad i Chinatown.

Elles så går tida ganske raskt og mykje av ho blir brukt på å vandre rundt i Sydneys gater. Det har vore litt mangel/svingande kvalitet på internett i det siste så beklagar at det har teke litt tid me å få laste opp bilde og postar. Uansett så skal bileta frå dei forrige dagane virke no (sjå forrige post), i tillegg til dei ferskaste bileta, som de finn her!

Dag 9

2
Posted by Kim Henrik on 09/03/2010 – 16:21
Filed under Thailand

I dag var eg på snorkling, og det var moro! :) Jan var og med, men han ville heller ta bilete enn å snorkle. Dagen starta tidleg sidan heile dagen var sett av til dette formålet. Me vart henta av den einaste forma for taxi som finst på øya, forutan båttaxi, altså ein pickup. Me var ein gjeng som vart stabla inn i karmen på bilen og fekk erfara mottoet som er her i Thailand; ”It’s always room for one more.”

Snorkleopplegget var bra. Ein stor båt reiste rundt øya og stoppa opp ca. 5 plassar der me kunne utfordre det lokale livet i havet (ca. 30-45 min på kvar plass). Opplevinga var heilt utruleg for min del. Eg fekk sett masse korallar, fiskar i alle fargar og storleikar, barrakuda og hai! Haiane var heilt klart eit høgdepunkt. Det er ikkje kvar dag ein får symje med slike skapningar. Det som også var spesielt var når fiskane vart mata rundt meg, det var fisk så å sei over alt kor eg såg (det var som å stikke hovudet ned i eit akvarium fylt med forskjellige fiskar :) ).

Siste post på turen var eit stopp på ei øy kalla Koh Naang Yuan. Det vart også tid til litt bading her på stranda og ved poolen før me i morgon skal reise til Bangkok igjen, denne gongen med buss. Det kan ta eit par dagar før neste oppdatering kjem, grunna  mykje reising dei neste dagane, men me garanterar å komma tilbake med meir. Enn så lengje, kan de sjå bileta frå dagens snorkletur her! :)

“Life is the future, not the past.”

Dag 6 og 7

6
Posted by Kim Henrik on 07/03/2010 – 16:12
Filed under Thailand

Ja no er me snart ferdige me første veka på vår tur. Ikkje så mykje har skjedd sidan sist, det viktigaste må vera at eg ha måtte sette dykkekarrieren min på standby. :( Eg har hatt litt problem med den kjente sydenforkjølinga som rammar turistar i sydlege strøk, og pga. dette er det vanskeleg å utlikne trykket når ein skal dykke. Eg reknar med at sjansen til å ta dykkelappen vil by seg igjen seinare så eg tek det ikkje så negativt. Elles så har me det ganske avslappa. Dagane går som ein normal sydenferie med god mat, drikke, sol og bading som ikkje er eit dårleg alternativ til dykking.

Kan nemne at Thailand har nokon løgne mattradisjonar som me kjem over av og til. Ein kan til dømes få steikt skorpion, grashopper og mange andre insekt. Dette har me ikkje turt smake på, men det eg har smakt på er blant anna potetgull med sushi-smak (ikkje særleg godt), men det måtte prøvast sidan det stod at dan var ein bestseljar. Det er noko som ein ikkje finn så mykje av heime. :)

Elles, så er maten her ganske god og ein finn mange restaurantar som serverar  både thailandske rettar og vestleg mat, prisen kan ein heller ikkje klage på. Så mangel på matalternativ er det ikkje sjølv om øya i seg sjølv ikkje er så stor. I morgon har me tenkt å utforske meir av øya ved å leige scooter.

Dagens bilete finn de ved å trykkje her!

- Peace out!